ກອງປະຊຸມສະໄຫມສາມັນເທື່ອທີ 8 ອັດລົງດ້ວຍ ຜົນສຳເລັດບັນລຸໄດ້ທັງ 3 ເປົ້າຫມາຍ

ກອງປະຊຸມສະໄຫມສາມັນເທື່ອທີ 8 ຂອງສະພາແຫ່ງຊາດຊຸດທີ VI ໄດ້ອັດລົງຢ່າງເປັນທາງການພ້ອມບັນລຸໄດ້ທັງ 3 ເປົ້າຫມາຍຫລັກ ຂອງກອງປະຊຸມຄື: ພິຈາລະນາ-ຮັບຮອງເອົາການສະເຫນີຂໍດັດແກ້ຮ່ວງເງິນແຮຂອງລັດຖະບານ ແລະການຂໍນຳໃຊ້ຄັງສະສົມຂອງລັດໃນສົກ 2009-2010 ເພື່ອແກ້ໄຂຜົນກະທົບຈາກພາຍຸເກດສະຫນາ 3 ແຂວງພາກໃຕ້; ຮັບຮອງເອົາກົດຫມາຍ 8 ສະບັບ; ແລະ ຮັບຟັງລາຍງານ ກ່ຽວກັບການເຄື່ອນໄຫວຂອງຄະນະປະຈຳສະພາແຫ່ງຊາດໃນລະຫວ່າງກອງປະຊຸມສະໄຫມສາມັນທີ່ຜ່ານມາອີກດ້ວຍ.

ພາຍຫລັງທີ່ສະພາແຫ່ງຊາດໄດ້ໄຂກອງປະຊຸມສະໄຫມສາມັນເທື່ອທີ 8 ແລະ ດຳເນີນມາເປັນເວລາ 10 ວັນ (16-27/11/ 2009) ມາ ຮອດຕອນເຊົ້າຂອງ ວັນທີ 27 ພະຈິກ 2009 ກອງປະຊຸມດັ່ງກ່າວກໍ່ໄດ້ອັດລົງໂດຍມີ ທ່ານ ທອງສິງ ທຳມະວົງ ກຳມະການກົມການເມືອງ ສູນກາງພັກ, ປະທານສະພາແຫ່ງຊາດ; ເຂົ້າຮ່ວມກອງປະຊຸມເທື່ອນີ້ ມີທ່ານ ສະຫມານ ວິຍາເກດ ກຳມະການກົມການເມືອງສູນກາງພັກ, ຫົວຫນ້າຄະນະຊີ້ນຳວຽກງາ2009 ກອງປະຊຸມດັ່ງກ່າວກໍ່ໄດ້ອັດລົງໂດຍການກ່າວປິດຂອງທ່ານ ທອງສິງ ທຳມະວົງ ກຳມະການກົມການ ເມືອງສູນກາງພັກ, ປະທານສະພາແຫ່ງຊາດ; ເຂົ້າຮ່ວມກອງປະຊຸມເທື່ອນີ້ມີທ່ານ ສະຫມານ ວິຍະເກດ ກຳມະການກົມການເມືອງສູນ ກາງພັກ, ຫົວຫນ້າຄະນະຊີ້ນຳວຽກງານແນວຄິດທິດສະດີ ແລະ ວັດທະນະທຳບັນດາກຳມະການກົມການເມືອງສູນກາງພັກ, ຄະນະລັດ ຖະບານ, ສະມາຊິກສະພາແຫ່ງຊາດ, ທູຕານຸທູດ.

ທ່ານທອງສິງ ທຳມະວົງ ໄດ້ກ່າວໃນບາງຕອນສຳຄັນໃນໂອກາດກ່າວປິດກອງປະຊຸມຄັ້ງນີ້ວ່າ: ກອງປະຊຸມຂອງພວກເຮົາໄດ້ສິ້ນສຸດ ລົງດ້ວຍຜົນສຳເລັດອັນຈົບງາມຕາມຈຸດປະສົງລະດັບຄາດຫມາຍ ເນື່ອງຈາກຫມາກຜົນຂອງການຄົ້ນຄວ້າ ແລະ ປະກອບຄຳເຫັນຢ່າງ ກ້ວາງຂວາງ-ເລິກເຊິ່ງຂອງບັນດາທ່ານສະມາຊິກສະພາແຫ່ງຊາດ ແລະ ຂະແຫນງການກ່ຽວຂ້ອງ.

ນອກນັ້ນ ທ່ານປະທານກອງປະຊຸມຍັງໄດ້ຮຽກຮ້ອງໃຫ້ລັດຖະບານສືບຕໍ່ປຸກລະດົມໃຫ້ພາກສ່ວນຕ່າງໆທີ່ມີທ່າແຮງສຸມກຳລັງໃຈ ແລະ ກຳລັງຊັບເຂົ້າຊ່ວຍເຫລືອປະຊາຊົນຜູ້ປະສົບໄພ, ສະເຫນີໃຫ້ລັດຖະບານອົງການປົກຄອງທ້ອງຖິ່ນແຕ່ລະຂັ້ນ ເອົາໃຈໃສ່ເຮັດວຽກໂຄສະ ນາເຜີຍແຜ່ບັນດາກົດຫມາຍໃຫ້ກວ້າງຂວາງກວ່າເກົ່າແນ່ໃສ່ເຮັດໃຫ້ພະນັກງານ, ທະຫານ, ຕຳຫລວດ ແລະປະຊາຊົນທົ່ວໄປເຂົ້າໃຈເຫັນ ໄດ້ຄວາມສຳຄັນ ແລະ ປະຕິບັດຕາມລະບຽບກົດຫມາຍຢ່າງເຂັ້ມງວດ; ແລະ ສຸດທ້າຍ ທ່ານປະທານສະພາແຫ່ງຊາດກໍ່ໄດ້ຮຽກຮ້ອງໃຫ້ ທຸກພາກສ່ວນຈົ່ງນຳເອົາເນື້ອໃນຈິດໃຈຂອງກອງປະຊຸມກັບໄປເຜີຍແຜ່ ແລະ ຈັດຕັ້ງຜັນຂະຫຍາຍເຂົ້າສູ່ການປະຕິບັດວຽກງານຕົວຈິງໃຫ້ ເກີດຜົນສູງສຸດ.

ກອງປະຊຸມໃນຄັ້ງນີ້ໄດ້ຮັບຮອງກົດຫມາຍໃໝ່ 4 ສະບັບຄື: ກົດຫມາຍ ວ່າດ້ວຍການກໍ່ສ້າງ; ກົດຫມາຍວ່າດ້ວຍຄະນະຊາວຫນຸ່ມປະ ຊາຊົນປະຕິວັດລາວ; ກົດຫມາຍ ວ່າດ້ວຍການຄວບຄຸມຢາສູບ; ກົດຫມາຍ ວ່າດ້ວຍການລົງທຶນຂອງລັດ ແລະ ຮັບຮອງການປັບປຸງກົດ ຫມາຍອີກ 4 ສະບັບຄື: ກົດຫມາຍວ່າດ້ວຍອົງການໄອຍະການປະຊາຊົນ; ກົດຫມາຍ ວ່າດ້ວຍສານປະຊາຊົນ; ກົດຫມາຍ ວ່າດ້ວຍທະ ບຽນສານ ແລະ ກົດຫມາຍ ວ່າດ້ວຍທະບຽນຄວບຄົວ.

Views: 28

Comment

You need to be a member of Yimlao to add comments!

Join Yimlao

© 2014   Created by Yimlao.

Badges  |  Report an Issue  |  Terms of Service