ແຂວງາລະ​ວັນ ຍົກ​ລະດັບ ​ກົດໝາຍ​ໃຫ​ພະນັກງານ​ຫລັກ​ແຫ​ລງ

ແຂວງາລະ​ວັນ ຍົກ​ລະດັບ
​ກົດໝາຍ​ໃຫ​ພະນັກງານ​ຫລັກ​ແຫ​ລງ

ແຂວງສາລະວັນ ໄດ້ເປີດຊຸດຝຶກອົບຮົມຍົກລະດັບຄວາມຮູ້ດ້ານກົດຫມາຍໃຫ້ພະນັກງານຫລັກແຫລ່ງໄລຍະສັ້ນ 45 ວັນ ຂຶ້ນໂດຍການເປັນປະທານຂອງ
ທ່ານ ບົວສີ ຄ່ຽມມະນີຂັນໄຊ ຮອງເລຂາພັກແຂວງ ປະທານແນວລາວສ້າງຊາດແຂວງສາລະວັນໃຫ້ກຽດເຂົ້າຮ່ວມໂດຍທ່ານ ສຈ.ດຣ. ຈະເລີນ ເຢຍ ປາວເຮີ
ກຳມະການສູນກາງພັກ, ເລຂາຄະນະພັກກະຊວງ,  ລັດຖະມົນຕີວ່າການກະຊວງຍຸຕິທຳ, ມີບັນດາທ່ານຮອງຫົວຫນ້າພະແນກ, ຫົວຫນ້າຫ້ອງການ-ຮອງຫ້ອງ
ການ ປກສ, ປກຊ ຈຳນວນ 50 ກວ່າທ່ານ. ການຝຶກອົບຮົມໃນຄັ້ງນີ້  ຜູ້ເຂົ້າຮ່ວມແມ່ນໄດ້ຮຽນຮູ້ຫລັກສູດການຮຽນ-ການສອນ ເປັນເວລາ 45 ວັນ ເຊິ່ງປະ
ກອບມີ 24 ວິຊາ, 21 ຫນ່ວຍກິດ ມີ 315 ຊົ່ວໂມງ ໃນນັ້ນມີວິຊາທິດສະດີລັດ ແລະ ກົດຫມາຍ, ລັດຖະທຳມະນູນ, ກົດຫມາຍປົກຄອງ, ກົດຫມາຍສານປະ
ຊາຊົນ, ກົດຫມາຍອົງການໄອຍະການປະຊາຊົນ,ກົດຫມາຍສັນຊາດລາວ, ກົດຫມາຍທະບຽນສານ, ກົດຫມາຍແພ່ງ (ພາກທົ່ວໄປ), ກົດຫມາຍກຳມະສິດ, ກົດ
ຫມາຍສືບທອດມູນມໍລະດົກ, ກົດຫມາຍຂໍ້ຜູກພັນໃນສັນຍາ ແລະ ນອກສັນຍາ, ກົດຫມາຍຄ້ຳປະກັນການປະຕິບັດສັນຍາ, ກົດຫມາຍຄອບຄົວ ແລະ ທະບຽນ
ຄອບຄົວ, ກົດຫມາຍງົບປະມານແຫ່ງລັດ, ກົດຫມາຍດຳເນີນຄະດີແພ່ງ, ກົດຫມາຍສິ່ງແວດລ້ອມ, ກົດຫມາຍແຮ່ທາດ, ກົດຫມາຍທີ່ດິນ, ກົດຫມາຍປ່າໄມ້, ກົດ
ຫມາຍແຮງງານ, ກົດຫມາຍອາຍາ, ກົດຫມາຍການດຳເນີນຄະດີອາຍາ, ກົດຫມາຍການຈັດຕັ້ງປະຕິບັດ ຄຳຕັດສິນຂອງສານ ແລະ ກົດຫມາຍສົ່ງເສີມການລົງ
ທຶນ. ທັງນີ້ກໍ່ເພື່ອພັດທະນາຊັບພະຍາກອນມະນຸດ ດ້ວຍການປະກອບຄວາມຮູ້, ຄວາມເຂົ້າໃຈພື້ນຖານກ່ຽວກັບລັດຖະທຳມະນູນ ແລະ ກົດຫມາຍໃຫ້ແກ່ພະນັກ
ງານນຳພາ, ຫລັກແຫລ່ງຂອງອົງການຈັດຕັ້ງຂັ້ນເມືອງ ແລະຂັ້ນແຂວງທີ່ບໍ່ທັນໄດ້ຮຽນ ຫລື ຮັບການບຳລຸງກົດຫມາຍຢ່າງເປັນລະບົບເພື່ອເປັນພື້ນຖານໃນການ
ເຮັດຫນ້າທີ່ຊີ້ນຳ-ນຳພາ, ນຳພາຄຸ້ມຄອງລັດ, ຄຸ້ມຄອງເສດຖະກິດ-ສັງຄົມໃຫ້ມີຄວາມຄ່ອງຕົວ, ກົມກຽວ ແລະ ເປັນໄປຕາມລັດຖະທຳມະນູນ ແລະ ກົດຫມາຍ
ເຊິ່ງເປັນພື້ນຖານອັນສຳຄັນໃຫ້ແກ່ການສ້າງລັດໃຫ້ເປັນລັດແຫ່ງກົດຫມາຍຂອງປະຊາຊົນ,  ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ. ທ່ານລັດ
ຖະມົນຕີວ່າການກະຊວງຍຸຕິທຳຍັງໄດ້ຊີ້ນຳໃຫ້ຄະນະຮັບຜິດຊອບ, ຄູ-ອາຈານ ແລະ ນັກຝຶກອົບຮົມຈົ່ງ​ເພີ່ມ​ທະວີ​ຄວາມ​ເອົາ​ໃຈ​ໃສ່ດ້ວຍ​ຄວາມ​ຮັບຜິດຊອບ​ສູງ​ໃນ​
ການ​ຄຸ້ມ​ຄອງ​ການ​ຝຶກ​ອົບຮົມການສອນ-ການຮຽນກົດຫມາຍໃຫ້ມີປະສິດທິຜົນສູງ ເພື່ອຮັບປະກັນບັນລຸຈຸດປະສົງລະດັບຄາດຫມາຍທີ່ວາງໄວ້.

(ຂ່າວ: ແກ້ວວິໄລ)

Views: 48

Reply to This

Top Photo (day)

1. Ban ya kard nai hong hien

Added by Thidphavanh on July 30, 2014

2. I love sim

Added by Thidphavanh on July 30, 2014

3. เชักเหลด

Added by Jiney gee2 on July 24, 2014

5. yim na barn

Added by Narng.Ae on July 1, 2014

© 2014   Created by Yimlao.

Badges  |  Report an Issue  |  Terms of Service