MISS USA 2012 CONTESTANT - Nitaya Panemalaythong (Minnesota) Photos & Profile

ນາງສາວນິດຕະຍາ ປານມາໄລທອງ ທີ່ໄດ້ຖືກເລືອກໃຫ້ເປັນນາງງາມ ລັດມີນນີໂຊຕາ ສໍາລັບປີ 2012 ນີ້

ຂ້າພະເຈົ້າມີຄວາມພູມໃຈທີ່ຈະໄດ້ແນະນໍາໃຫ້ທ່ານຮູ້ຈັກກັບ
ນິດຕະຍາ ປານມາໄລທອງ ສາວລາວ-ອາເມຣິກັນ ທີ່ໄດ້ສ້າງຊື່ສຽງແລະຄວາມພາກພູມໃຈ
ໃຫ້ແກ່ປະຊາຄົມລາວໃນລັດມິນນີໂຊຕາ ກໍຄືໃນທົ່ວສະຫະລັດ ແລະທົ່ວໂລກກໍວ່າໄດ້ ຫລັງ
ຈາກທີ່ນາງໄດ້ຖືກເລືອກເມື່ອເດືອນພະຈິກປີກາຍນີ້ ໃຫ້ເປັນນາງງາມລັດມິນນີໂຊຕາ ປະຈໍາ
ປີ 2012 ຫລື Miss Minnesota USA 2012 ຊຶ່ງນາງເປັນຄົນອາເມຣິກັນເຊື້ອສາຍເອ
ເຊຍຄົນທໍາອິດ ທີ່ໄດ້ຄອງຕໍາແໜ່ງນີ້ ໃນລັດທີ່ມີຊາວເອເຊຍອາໃສຢູ່ຫລາຍສົມຄວນ ໂຮມ
ທັງພວກອົບພະຍົບລາວລຸ່ມແລະລາວມົ້ງ.

Nitaya Panemalaythong

ນິດຕະຍາ ປານມາໄລທອງ Miss Minnesota USA 2012

ແຕ່ວ່າເລື່ອງລາວຂອງນິດຕະຍາ ບໍ່ແມ່ນ
ເລື່ອງລາວຂອງສາວງາມ ທີ່ໄປປະກວດ
ເພື່ອໂຊຄວາມງາມຂອງຕົນ ແລະເພື່ອ
ຊື່ສຽງ ຄວາມດັງ ຫລືຄວາມມີໜ້າມີຕາ
ເທົ່ານັ້ນ ແຕ່ເຫດຜົນທີ່ນິດຕະຍາເຂົ້າປະ
ກວດໂດຍທີ່ບໍ່ໄດ້ຕັ້ງໃຈໄວ້ລ່ວງໜ້າ ແລະ
ທັ້ງໆທີ່ອາຍຸແກ່ກ່ວານາງງາມຄົນອື່ນໆ
ນັ້ນ ກໍແມ່ນເພາະຢາກໄດ້ເງິນລາງວັນ
ມາເປັນທຶນການສຶກສາເພື່ອໃຫ້ໄດ້ເຂົ້າ
ຮຽນຕໍ່ໃນມະຫາວິທະຍາໄລເທົ່ານັ້ນ
ຍ້ອນວ່າຖານະຄອບຄົວທຸກຍາກ ນິດຕະ
ຍາຈຶ່ງບໍ່ສາມາດເຂົ້າຮຽນຕໍ່ມະຫາວິທະຍາ
ໄລໄດ້ ຫລັງຈາກທີ່ຮຽນຈົບມັດທະຍົມປາຍ
ຫລືໄຮສະກູລ ໃນປີ 2003. ນາງຕ້ອງໄດ້
ເຮັດການ ຫາເງິນມາຊ່ວຍລ້ຽງຄອບຄົວ
ຊຶ່ງມີພໍ່ແມ່ອ້າຍເອື້ອຍນ້ອງນໍາກັນ 10 ຄົນ.
ດັ່ງນັ້ນ ນາງງາມລັດມິນນີໂຊຕາຄົນນີ້ ຈຶ່ງ
ບໍ່ໄດ້ມີແຕ່ຄວາມງາມເປັນຄຸນນະສົມບັດເທົ່ານັ້ນ ແຕ່ຍັງມີຄວາມຮັບຜິດຊອບສູງແລະກະຕັນ
ຍູຮູ້ບຸນຄຸນນໍາອີກ. ນິດຕະຍາເປັນລູກສາວຂອງທ່ານເກສອນແລະຍານາງແກ່ນຈັນ ປານມາ
ໄລທອງ ຈາກສະຫວັນນະເຂດ.

ນອກຈາກນ້ອງສາວຫລ້າຈະເປັນ Down Syndrome ຫລືໂຣກປັນຍາອ່ອນ ມີພັດທະນາການຫລືການເຕີບໃຫຍ່ທີ່ບໍ່ສົມບູນ ຍ້ອນຄວາມຜິດປົກກະຕິທາງໂຄຣໂມໂຊມ ຫລືທາງເຊື້ອກໍາມະພັນນັ້ນແລ້ວ ນິດຕະຍາຍັງມີມານດາທີ່ມີສຸຂະພາບບໍ່ດີ ເປັນໂຣກຫົວໃຈນໍາດ້ວຍ

Nitaya Panemalaythong

ນິດຕະຍາ (ນຸ່ງກະໂປງສີບົວ) ກັບຄອບຄົວ ຕອນຍັງນ້ອຍ

ໃນຄອບຄົວທີ່ມີ 10 ຄົນນັ້ນ ມີ
ແຕ່ນິດຕະຍາກັບອ້າຍເຂີຍເທົ່າ
ນັ້ນ ທີ່ທໍາງານຫາລ້ຽງຄອບຄົວ
ທັງໆທີ່ນິດຕະຍາເອງກໍມີຄວາມ
ຮູ້ພຽງແຕ່ຂັ້ນມັດທະຍົມປາຍເທົ່າ
ນັ້ນ. ຍ້ອນໃຫຍ່ຢູ່ສະຫະລັດແລະ
ໄດ້ໃຊ້ຊີວິດສ່ວນໃຫຍ່ຢູ່ກັບເອື້ອຍ
ນ້ອງ ແທນທີ່ຈະຕິດຕາມໄປກັບ
ພໍ່ແມ່ ທີ່ຍ້າຍລັດຢູ່ເລື້ອຍໆນັ້ນ
ນິດຕະຍາຈຶ່ງບໍ່ມີໂອກາດໄດ້ຮຽນ
ເວົ້າພາສາລາວ ຈົນກະທັງເມື່ອ
ສາມປີມານີ້ ຈື່ງຍັງເວົ້າບໍ່ເກ່ງແຕ່
ກໍພະຍາຍາມເວົ້າຢູ່ເລື້ອຍໆກັບ
ພໍ່ແມ່ເພື່ອຈະໄດ້ເວົ້າເກ່ງຂຶ້ນ.

ນອກຈາກນ້ອງສາວຫລ້າຈະເປັນ Down Syndrome ຫລືໂຣກປັນຍາອ່ອນ ມີພັດທະນາການຫລືການເຕີບໃຫຍ່ທີ່ບໍ່ສົມບູນ ຍ້ອນຄວາມຜິດປົກກະຕິທາງໂຄຣໂມໂຊມ ຫລືທາງເຊື້ອກໍາມະພັນນັ້ນແລ້ວ ນິດຕະຍາຍັງມີມານດາທີ່ມີສຸຂະພາບບໍ່ດີ ເປັນໂຣກຫົວໃຈນໍາດ້ວຍ.

ຫລັງຈາກຮຽນຈົບໄຮສະກູລໃນປີ 2003 ແລ້ວ ນິດຕະຍາກໍບໍ່ໄດ້ຮຽນໜັງສືຕໍ່ເລີຍ ຈົນກະທັງປີກາຍນີ້ ຈຶ່ງໄດ້ເຂົ້າຮຽນທີ່ Normandale Community College ທີ່ເປັນມະຫາວິທະຍາ
ໄລຊຸມຊົນ ທີ່ພວກນັກສຶກສາທຸກຍາກພາກັນໄປຮຽນເອົາອະນຸປະລິນຍາ 2 ປີເພາະຄ່າຮຽນ
ບໍ່ແພງຫລາຍ ແລ້ວຈຶ່ງໄປຮຽນຕໍ່ມະຫາວິທະຍາໄລໃຫຍ່ອີກ 2 ປີເພື່ອເອົາປະລີນຍາຕີ. ແຕ່
ການທີ່ຈະໄປຮຽນຕໍ່ມະຫາວິທະຍາໄລໃຫຍ່ນັ້ນ ກໍຈະຕ້ອງການຄ່າຮຽນຫລາຍໝື່ນ$ ນິດຕະ
ຍາຈຶ່ງເລີ່ມຊອກຫາທຶນສຶກສາ ແລ້ວນາງກໍມາພົບເວັບໄຊ້ຂອງຄະນະກໍາມະການປະກວດນາງ
ງາມລັດມິນນີໂຊຕາ ຫລື Miss Minnesota Pageant ກໍເລີຍຕັດສິນໃຈເຂົ້າສະໝັກ
ທັງໆທີ່ບໍ່ເຄີຍຄິດມາກ່ອນແລະກໍບໍ່ຄິດວ່າ ຕົນເອງງາມຂະໜາດຢາກເຂົ້າປະກວດນາງງາມ.